ДУШАНБЕ, 16 окт — Sputnik. Дабири кулли СММ Антонио Гутерриш дар як изҳорот дар Рӯзи ҷаҳонии ғизо, ки ҳамасола 15 октябр баргузор мешавад, гуфт, тақрибан 40 дарсади аҳолӣ ё тақрибан се миллиард нафар наметавонанд ғизои солим бихӯранд.
Ӯ гуфт, бо афзоиши гуруснагӣ, камғизоӣ ва фарбеҳӣ, таъсири иқтисодии Ковид 19 "вазъро бадтар кард" ва қайд кард, ки пандемия боз 140 миллион нафарро аз дастрасӣ ба ғизои солим маҳрум кард.
Ба гуфтаи дабири кулли СММ, ҳамзамон тарзи истеҳсол, истеъмол ва исрофкории ғизо ба сайёраи мо хисороти зиёд меорад.
Ӯ бо ишора ба масъалаи имсола, ки қудрати тағйирот дар дасти мост гуфт: "Амалҳои мо ояндаи мо ҳастанд".
Моҳи гузашта ҷаҳон ӯ дар Саммити муҳими системаҳои озуқавории СММ ширкат варзид, ки роҳи тағйир додани системаҳои ғизоиро дар ҳама ҷо барои расидан ба Ҳадафҳои Рушди Устувор то соли 2030 кушод.
Гутерриш қайд кард, ки дар ҷараёни нишаст "кишварҳо уҳдадориҳои далерона" қабул карданд, то низоми ғизои солимро дастрас ва системаҳои ғизо"-ро дар ҳар қадам самараноку устувор гардонанд.
Дабири кулли СММ мегӯяд: "Мо, ҳама метавонем тарзи хӯрдани худро тағйир диҳем ва барои худу сайёраамон интихобҳои солимтар кунем."