ДУШАНБЕ, 12 окт — Sputnik. Аъзои ҳаракати радикалии "Толибон"* дар ҳукумати наве, ки худ ташкил кардааст, "чеҳраҳои номақбул" ёфтанд. Дар ин бора намояндаи расмии ин гурӯҳ Забеуллоҳ Муҷоҳид дар саҳифааш дар "Twitter" хабар додааст.
Дар зимни ҷаласае, ки барпо шуд, масъулин вазифаҳои худро аз даст доданд.
"Қарор шуд, ки одамони ғайримақбул аз вазифаашон дар Аморати Исломӣ барканор шаванд", - қайд кард Муҷоҳид.
Дар баробари ин намояндаи радикалҳо дақиқ нагуфт, ки киҳо аз вазифа сабукдӯш шудаанд. Ҳамчунин дар бораи онҳое ҳам, ки ин вазоифро ишғол хоҳанд кард, маълумоте дода нашудааст.
Ёдрас мешавем, ки ҳукумати нави Афғонистон аз ҷониби ҳаракати тундгарои "Толибон"*, ки кишварро ба зӯрӣ ғасб кард, 7 сентябр эълон шуд.
Бар хилофи интизории ҷомеаи ҷаҳонӣ ҳукумати нав фарогир нашуд: аксари мақомоти ин ҳукумат паштунанд. Ҳамчунин радикалҳо занонро ба ҳукумат роҳ надоданд.
Ба ин далел то ҳол ягон кишвари дунё ҳукумати "Толибон"*-ро эътироф накардааст.