ДУШАНБЕ, 10 окт — Sputnik. Ҷангиёни "Толибон"* метавонанд ба таҳаввулоти офаридаи силоҳи ҳастаии Покистон Абдулқодирхон дастрасӣ пайдо кунанд.
Дар ин бора Sputnik Афғонистон хабар дод. Физикдони покистонӣ, ки ҳамзамон ба истеҳсоли силоҳи ҳастаӣ машғул буд, чанде қабл бар асари маризе дар синни 86-солагӣ аз олам даргузашт.
Ба хотири ин олим дар Покистон баргузор кардани чандин чорабиниҳо дар назар аст.
Бояд қайд кард, ки таҳияи барномаи ҳастаӣ дар Покистон аз соли 1956, пас аз таъсиси Комиссияи энержии атомии Покистон оғоз шуд ва Абдулқодирхон соли 1975 барои сохтани бомбаи иқдом кард. Қаблан ӯ дар Нидерланд дар консорсиуми аврупоии URENCO кор мекард.
Ин бори аввал нест, ки овозаҳо дар бораи дастрасии "Толибон"* ба силоҳи ҳастаӣ пайдо мешаванд. Қаблан, мушовири собиқи президенти пешини ИМА Доналд Трамп оид ба амнияти миллӣ Ҷон Болтон чунин изҳорот дода буд.
Ёдовар мешавем, ки пас аз хуруҷи нерӯҳои амрикоӣ аз Афғонистон, арсенали ҷангиён бо силоҳҳои гуногун пур карда шуд. Инчунин, радикалҳо ба авиатсияи ҳарбӣ дастрасӣ пайдо карданд.
*созмони мамнуъ дар Тоҷикистон ва Русия