ДУШАНБЕ, 6 окт – Sputnik. Ҳукумати Ӯзбекистон бо ИМА барои ҷойгир кардани пойгоҳи низомиаш дар ҷиҳати роҳандозии амалиётҳо дар Афғонистон гуфтушунид накардааст.
Дар ин бора Содиқ Сафаров, муовинии аввали раиси Сенати Ӯзбекистон дар суҳбат бо "РИА Новости" иттилоъ дод.
"Не, чунин гуфтушунидҳо вуҷуд надоранд",-гуфт Сафаров дар посух ба суоли марбути ҷойгир кардани пойгоҳҳои низомии Амрико дар Ӯзбекистон.
Ӯ афзуд, ки Ӯзбекистон наметавонад чунин гуфтушунид дошта бошад, чун "қонунгузорӣ инро иҷозат намедиҳад".
Қаблан "Politico" бо истинод ба сенаторҳои амрикоӣ хабар дода буд, ки Вашингтон музокиротро бо мақомоти кишварҳои Осиёи Марказӣ дар бораи истифодаи пойгоҳҳои низомӣ дар қаламрави худ барои амалиёт дар Афғонистон оғоз кардааст.
Дар ҳамин ҳол Вазорати дифои Ӯзбекистон изҳор дошт, ки қонунгузории низомии кишвар ба мустақар кардани пойгоҳҳо ва иншооти низомии хориҷӣ дар қаламрави онро иҷозат намедиҳад.
Аммо коршиносон муътақиданд, ки ҷойгиркунии иншооти низомӣ дар Осиёи Марказӣ маънои эҷоди "мушти қудратӣ" алайҳи Русия ва Чинро дорад.
Чунин назарро сиёсатшинос Никита Мендкович изҳор дошт. Ба гуфтаи ӯ, Амрико талош дорад, кишварҳои Осиёи Марказиро ба як бозии нопок кашад.