ДУШАНБЕ, 4 окт — Sputnik. Чӣ гуна метавон бо тамоюлҳои ифротӣ миёни муҳоҷирон мубориза бурд, дар мусоҳиба бо “Красная Весна” мушовири вазирикорҳои дохилаи Русия Владимир Овчинский шарҳ додааст.
Ба гуфтаи вай, миёни гурӯҳҳои махфии террористон корҳои харобиовар анҷом дода мешаванд.
"Дар маҷмӯъ, ҳоло зиндагии асосӣ дар онлайн аст, хусусан дар даркнет – интернети пинҳонӣ. Дар онҷо гурӯҳҳои махсуси манфиатдор, тамоюли мазҳабӣ ва ҷиноятӣ вуҷуд доранд", - афзуд намояндаи мақомот.
Овчинский гуфт, ки бояд ба назорати шабакаҳои иҷтимоӣ дар ҳама сатҳҳо таваҷҷӯҳ дода шавад.
Коршинос қайд кард, ки муҳоҷирро ҳатто метавонанд дар муҳити осоишта ҳам - дар диаспора ба ин гурӯҳҳо ҷалб кард.
"Табиист, ки мутахассисон, хусусан барои кор бо намояндагони диаспораҳои қавмӣ он қадар зиёд нестанд. Ҳамчунин монеаҳои забонӣ вуҷуд доранд", - афзуд мушовири вазири корҳои дохилӣ.
Вай ҳамчунин аз кор бо муҳоҷирон дар масҷидҳо хуб арзёбӣ кард ва қайд кард, ки амали имомони масҷидҳои расмӣ мусбат арзёбӣ мешавад.