ДУШАНБЕ, 4 окт — Sputnik. Вазорати саноат ва технологияҳои нави Тоҷикистон хабар додааст, ки дар ин давра маҷмуи содироти масолеҳи сохтмонӣ аз Тоҷикстон 27,2 миллион доллар ва арзиши воридоти ин маҳсулот ба Тоҷикистон 26,6 миллион долларро ташкил додааст.
Ҳамчунин Вазорати саноати Тоҷикистон эълом кардааст, ки дар ин муддат 613 ҳазор тонна семент аз Тоҷикистон ба кишварҳои Ӯзбекистон, Афғонистон ва Қирғизистон содир шудааст.
Тибқи омори расмии Тоҷикистон, аз назари рушди тавлидоти саноатӣ, Душанбе дар байни кишварҳои содиркунандаи ИДМ рутбаи аввалро касб кардааст.
Пас аз Тоҷикистон, Молдова бо 12 дарсад ва Беларус бо 11 дарсади рушди тавлидоти саноатӣ дар рутбаҳои баъдӣ қарор доранд .