ДУШАНБЕ, 4 окт — Sputnik. Маскав тасмим дорад, дар моҳи октябри соли равон ҷаласаи формати Маскавро дар бораи Афғонистон баргузор кунад, иттилоъ додааст хабаргузории "РИА Новости" дар истинод ба Вазорати корҳои хориҷии Русия.
"Мо санаи мушаххасро пас аз мувофиқа бо шарикон эълон хоҳем кард",-гуфт Вазорати умури хориҷии Русия.
Илова бар ин вазорат гуфт, ки онҳо интизори дурнамои ҳамкорӣ бо Кобул пас аз таъсиси тамоми мақомоти давлатӣ мебошанд.
Маскав ҳамкориҳои байналмилалии иқтисодиро бо Афғонистон истисно намекунад.
Бояд қайд кард, ки қаблан муовини вазири фарҳанг ва иттилооти ҳукумати муваққатии Афғонистон Забиуллоҳ Муҷоҳид гуфта буд, ки Русия метавонад ба татбиқи лоиҳаҳои иқтисодии худ дар Афғонистон оғоз кунад.