ДУШАНБЕ, 30 сен — Sputnik. Дастаи мунтахаби ҷавонони Тоҷикистон (U-23) дар доираи омодагӣ ба мусобиқаи интихобӣ барои Ҷоми Осиё-2022 як ҳафта дар Дубай ҷамъомади таълимиву тамринӣ мегузаронад.
Бино ба иттилоъи маркази матбуотии Федератсияи футболи Тоҷикистон яккачини кишвар дар ин давраи тамринӣ ду бозӣ анҷом медиҳад.
Ҳамин тариқ, рӯзи 8 октябр шогирдони Мубин Эргашев бо ҳайати ҷавонони "Шабаб Ал-Аҳлӣ" -и Дубай (U-23) бозии санҷишӣ ва 12 октябр бо ҳамсолони худ аз Ветнам бозии дӯстона анҷом медиҳанд.
30 сентябри 2021, 09:49
Аҳамият диҳед, ки дар мусобиқаи интихобии Ҷоми Осиё-2022 мунтахаби ҷавонони Тоҷикистон (U-23) дар гурӯҳи В бозӣ мекунад.
Дар доираи ин мусобиқот яккачини кишвар бо тимҳои Лубнон (25 октябр), Непал (28 октябр) ва Эрон (31 октябр) рақобат хоҳад кард.
Ёдовар мешавем ҳоло дар Тоҷикистон Мусобиқаи интихобии Ҷоми Осиё-2022 миёни мунтахабҳои занона идома дорад, ки тими Ветнам шоми 29 сентябр яккачини Тоҷикистонро бо ҳисоби 0:7 шикаст дод.