ДУШАНБЕ, 30 сен — Sputnik. Додситони кулли Федератсияи Русия Игор Краснов бо сафари корӣ вориди Душанбе шуд, хабар медиҳад дафтари матбуоти ин ниҳод.
Гуфта мешавад, ки Краснов бо даъвати додситони кулли кишвар Юсуф Раҳмон ба пойтахти Тоҷикистон омадааст.
Қарор аст рӯзи 30 сентябр додситони кулли Федератсияи Русия бо ҳамтои тоҷикаш мулоқот кунад.
24 сентябри 2021, 19:15
Дар ин мулоқот муҳокимаи масъалаҳои ҳамкории дуҷониба, дурнамои баргузории чорабиниҳои муштарак оид ба масъалаҳои мубрами фаъолияти прокуратура ба нақша гирифта шудааст.
Илова бар ин, Русия ва Тоҷикистон бояд дар бораи самтҳои афзалиятноки ҳамкорӣ санади дуҷониба имзо кунанд.
Ҳамзамон гуфта мешавад, ки дар доираи сафари Краснов ба Душанбе ӯ бо президенти Тоҷикистон Эмомалӣ Раҳмон мулоқот мекунад.