ДУШАНБЕ, 27 сен — Sputnik. Ҷасади марди 33-солаеро пас аз ду рӯз аз ғайб заданаш дар рӯдхона пайдо ва ба пайвандонаш додаанд, хабар медиҳад Кумитаи ҳолатҳои фавқулоддаи Тоҷикистон.
Ба иттилои манбаъ, ин сокини пойтахт бегоҳии 25-уми сентябр дар дарёи Кофарниҳон моҳидорӣ мекард ва бинобар беэҳтиётӣ даруни об сарозер шудааст.
Кормандони КҲФ-ро аз ин ҳодиса шоҳидони ҳол хабардор намудаанд, вале кори онҳо, ҳарчанд то бевақтӣ идома ёфтааст, вале дар рӯзи аввал натиҷае надодааст.
Манбаъ меафзояд, рӯзи баъдӣ наҷотбахшон ҷустуҷӯи ҷасадро идома ва билохира ҷасади ғарқшударо пайдо ва ба наздикони ӯ доданд.
Ин ниҳод мегӯяд, давоми 8 моҳи соли равон дар Тоҷикистон дастикам 129 нафар ғарқ ва 39 тан наҷот дода шудаанд.