ДУШАНБЕ, 23 сен — Sputnik. Олими амрикоӣ Ҷеб Спрейг аз Донишгоҳи Калифорнияи Лос-Анҷелес суханронии президенти пешини ИМА Ҷорҷ Бушро халалдор кард ва талаби ба ҳабс гирифтани ӯро кард. Навори ҳодиса аз ҷониби Daily Sabah нашр шудааст.
Ин олим собиқ кишвардорро дар марги "як миллион ироқӣ ва даҳҳо ҳазор амрикоӣ" ва ҳамчунин ба истифодаи силоҳи фосфорӣ муттаҳам намуд.
Пас аз ин ҳодиса муҷрии барнома аз олими даъвогар барои чунин муомилаи дурушт бо собиқ Президент интиқод кард, вале Ҷорҷ Буш изҳор дошт, ки "дар ин кишвар ҳаргуна муошират бо роҳбари давлат қабул аст".
Бояд гуфт, ки Ҷорҷ Буш бори аввал ба чунин интиқоди дурушт рӯбарӯ нашуда, қаблан Майкл Приснер собиқадори ҷанг суханронии дигари собиқ раисҷумҳурро халабдор карда, ӯро дар тӯҳмат алайҳи мақомоти Ироқ бобати доштани силоҳи қатли омм айбдор кард.
Ҷанг дар Ироқ баҳори соли 2003 бо ҳуҷуми сарбозони амрикоӣ ва муттаҳидони онҳо барои сарнагун кардани режими Саддом Ҳусейн оғоз шуд.
Ин тасмим дар асоси изҳорот дар бораи аслиҳаи қатли ом дар кишвари Ироқ гирифта шуд, вале пасон ин маълумот тасдиқи худро наёфт.