ДУШАНБЕ, 20 сен — Sputnik. "Толибон"* 40 нафарро дар робита ба ин таркишҳо дар вилояти Нангарҳор боздошт кард, хабар медиҳад шабакаи телевизионии "Ariana News".
Манбаъ аз қавли намояндаи ин созмони мамнуъ дар Тоҷикистон ва Русия мегӯяд, дар робита ба таркишҳое, ки рӯзҳои шанбе ва якшанбе дар шаҳри Ҷалолобод сурат гирифтанд, 40 нафар боздошт шуданд.
Ёдовар мешавем, ки танҳо рӯзи якшанбе бар асари таркиш дар вилояти мазкур ду нафар кушта ва як ҷангии "Толибон"* шадидан маҷрӯҳ шуд.
Гуфта мешавад, ин таркиш дар истгоҳе дар шаҳри Ҷалолобод иттифоқ афтодааст.
Бар асари ин ҳодиса ду ғайринизомӣ кушта ва як ҷангии "Толибон"* маҷрӯҳ шуд
Ҷузъиёти дигари ҳодиса то ҳол мушаххас нашудааст.
Маврид ба зикр аст, ки ин аввалин таркиш дар Ҷалолобод набуда, балки қаблан "Hindustan Times" гузориш дода буд, ки дар як ҳодисаи мушобеҳ тақрибан 20 нафар маҷрӯҳ ва се нафар кушта шуданд.