ДУШАНБЕ, 17 сен – Sputnik. Эмомалӣ Раҳмон, раисҷумҳури Тоҷикистон дар нишасти сарони кишварҳои узви СҲШ ба мавзӯи амният дар минтақа ва ҷаҳон дахл кард.
Раҳбари Тоҷикистон гуфт, ки буҳрони шадиде дар низоми амният ва эътимоди байналмилалӣ ба вуҷуд омадааст.
"Терроризми байналмилалӣ, ифротгароӣ, ҷудоихоҳӣ, ҷинояткории созмонёфтаи фаромарзӣ, аз ҷумла қочоқи маводи мухаддир, киберҷиноятҳо чун таҳдидҳои асосӣ ба амният дар фазои СҲШ боқӣ мемонанд", - гуфт Раҳмон.
Президенти ҷумҳурӣ гуфт, ки барои пешгирии таҳдидҳо аз Афғонистон бояд тадобири мушаххас андешида шаванд.
Барои ин ӯ пешниҳод кард, ки аз захираҳои Маркази зиддитеррористии СҲШ истифода шавад.