ДУШАНБЕ, 12 сен — Sputnik. Аъзоёни гурӯҳи радикалии Толибон* (мамнуъ дар Русия ва Тоҷикистон), дар лавҳаи ёдгорӣ санги бахшида ба раиси Ҷамъияти исломии Афғонистон Ато Муҳаммади Нурро шикастанд.
Дар ин бора шабакаи телеграммии Sputnik Афғонистон хабар медиҳад.
Гуфта мешавад, ки лавҳаи ёдгорӣ дар шаҳри Мазори Шариф воқеъ будааст.
Лавҳаи ёдгорӣ дар шаҳри Мазори Шариф
© Telegram
Дар ин лавҳа як санге бо акси Ато Муҳаммади Нур - яке аз чеҳраҳои намоёни арсаи сиёсии Афғонистон, бахшида шуда буд.
Ин дар ҳолест, ки Ато Муҳаммади Нур, рӯйхати раҳбарони созмонҳои террористии Чин, Тоҷикистон ва Ӯзбекистонро нашр кард, ки аз сӯи як шаҳрванди Қазоқистон ба ном “Ҳоҷӣ Фурқон” раҳбарӣ мешаванд.
Ин ҳам қисмате аз рӯйхати афроди масъул ва саргуруҳҳои созмонҳои террористие, назири "Ал-қоида"*, Ҳаракати исломии Туркистони Шарқӣ*, Ҳаракати исломии Ӯзбекистон* ва "Ансоруллоҳ"* аст.
Масъули матбуотии Ато Муҳаммади Нур бо ироаи ин рӯйхат ба Sputnik Тоҷикистон гуфт, он дар пайи як иттилои афроди Ҷамъияти исломӣ дар вилояти Бадахшони Афғонистон тайи чанд моҳи ахир ҷамъоварӣ ва тартиб шудааст.
"Ба ҳама кишварҳои минтақа ва ҷаҳон маълум бод, ки "Толибон"* онҳоро "бародари исломӣ" ва "меҳмон" хонда, омодаи таслими онҳо ба кишварҳояшон нестанд ва ба тааҳуде, ки ба ҷомиаи байнулмилалӣ доранд, он ҳам ҳамкорӣ накардан ва паноҳ надодан ба террористони хориҷӣ, аслан эътино намекунанд", - гуфт ин манбаъ.
Ёдрас мешавем, ки пештар Толибон* санги оромгоҳи қаҳрамони миллии Афғонистон Аҳмадшоҳи Масъудро тахриб ва баъдан барои барқарор кардан ба шаҳри Кобул фиристоданд.