ДУШАНБЕ, 12 сен — Sputnik. Раҳбари Ҷабҳаи муқовимати миллии Афғонистон Аҳмад Масъуд аз қаламрави ҷумҳурӣ берун нарафтааст. Дар ин бора хабаргузории Форс бо такя ба як манбаи наздик ба фармондеҳи артиш хабар дод.
Ба гуфти Қосим Муҳаммадӣ, овозаҳо дар бораи тарки Афғонистон кардани Масъуд ҳақиқат надорад.
"Вай бо дараи Панҷшер дар тамос аст", - таъкид кард мусоҳиби оҷонсӣ.
Муҳаммадӣ қайд кард, ки дар ҳоли ҳозир ҷангиёни Толибон* тақрибан 70 дарсади кӯчаҳо ва ағбаҳои асосии вилояти Афғонистонро таҳти назорат доранд.
Аммо водиҳои кӯҳии Панҷшер дар зери назорати комили нерӯҳои миллӣ боқӣ мемонанд.
"Пас аз вуруди Толибон* ба Панҷшер, ҳавопаймоҳои Покистон ба кумаки онҳо омада, муҳосираро шикастанд ва ҳатто шабона ҳуҷум мекарданд", - гуфт намояндаи ҶММА.
Ба гуфти ӯ, ҷанги феълӣ дар Афғонистон аз ҷониби Қатар ва Покистон сарпарастӣ мешавад ва онҳо аз ҷиҳати молиявӣ аз ҷангҷӯён пуштибонӣ мекунанд.
Муҳаммадӣ изҳори умедворӣ кард, ки "кишварҳои минтақа ва ҷаҳон инро дарк хоҳанд кард".
Ёдовар мешавем, ки бинобар ҷангҳо дар Панҷшер буҳрон оғоз ёфт. Сокинони вилоят саъй доранд, ки ҳарчӣ зудтар минтақаро тарк кунанд.
Дар арафаи ҷонибҳои даргир дар бораи оташбаси муваққатӣ ба мувофиқа расиданд. Сулҳ аз 9 то 12 сентябр идома меёбад.
* - як созмони террористӣ, ки дар Федератсияи Русия, Тоҷикистон ва дигар кишварҳо мамнӯъ аст