ДУШАНБЕ, 11 сен — Sputnik. Талабшо Муқимов, рӯзноманигор тоҷик дар саҳифаи “Инстаграм”-и худ навори тазоҳуроти тоҷикон дар назди бинои СММ-ро нашр кардааст.
Гуфта мешавад, ки даҳҳо нафар тоҷикони муқими шаҳри Ню-Йорк барои ҳимоят аз мардуми Панҷшери Афғонистон дар назди бинои СММ даст ба тазоҳурот задаанд.
“Айни хол: New York, Назди Бинои СММ, хамоиши эътирози барои химояи Панчшери Афгонистон барои хифзи ному замини Точикон!”, -навиштааст Талабшоҳи Муқим.
Ҳамчунин вай таъхкид доштааст, ки ҳамоиш тахти шиори "Сулх ба Афгонистон ва адолат ба Панчшер" баргузор шуд.
Ёдрас мешавем, ки моҳи август дар заминаи баровардани низомиёни Амрико Толибон* ҳамаи шаҳрҳои калон ва гузаргоҳҳои сарҳадиро ишғол карда, аз анҷоми ҷанги бистсола эълон карданд.
Ягона вилояте, ки зери таъсири Толибон* набуд, Панҷшер аст.
Дар ин минтақа - таҳти роҳбарии фармондеҳи ҷавон Аҳмад Масъуд - нерӯҳои муқовимат мустақар шуд.
Ҳам Толибон* ва ҳам Ҷабҳаи муқовимати миллии Афғонистон аз муваффақиятҳои худ хабар медиҳанд.
Чанд рӯзи ахир аз ин минтақа хабарҳо гуногун мерасад. Расонаҳо аз ваҳшиятҳои Толибон* нисбати ғайринизомиён хабар медиҳанд.
* ташкилоти террористӣ, ки фаъолияташ дар қаламрави Русия, Тоҷикистон ва дигар кишварҳо манъ карда шудааст