ДУШАНБЕ, 9 сен – Sputnik. Шаҳрдори Маскав Сергей Собянин дар мусоҳиба бо kp.ru гуфт, муҳоҷироне, ки дар Маскав қонуну тартиботро вайрон мекунанд, минбаъд низ аз кишвар хориҷ карда мешаванд ва ҳаққи вуруд маҳрум мегарданд.
"Дар мавриди авбошӣ, вайрон кардани қонунгузории муҳоҷират бошад, танҳо як роҳ вуҷуд дорад - ҷазо додан, хориҷ кардан ва манъ кардани вуруд. Он чизе, ки ҳоло идома дорад", - гуфт шаҳрдор.
Ба гуфти шаҳрдор, вақте муҳоҷирон бештар ба вайрон кардани қонун шурӯъ карданд, мақомоти шаҳр фавран чораҳои сахт андешид - ин боздоштҳо, парвандаҳои ҷиноятӣ, ихроҷ, манъи вуруд.
Ӯ ваъда дод, ки чунин амалкард идома хоҳад ёфт.
Дар ин миён, шаҳрдори пойтахт таъкид кард, ки Маскав барои коргарони расмӣ аз кишварҳои хориҷӣ боз боқӣ мемонад.
Қаблан Сергей Собянин дар бораи муборизаи мақомоти пойтахт бо нақзи қонун ва тартибот аз ҷониби муҳоҷирон суҳбат карда буд.
Ба гуфти ӯ, тақрибан 200 нафар аз кишварҳои ИДМ барои вайрон кардани қонун ва тартибот аз Маскав ихроҷ карда шуданд.
Шаҳрдори Маскав таъкид кард, ки Русия аз чунин меҳмонон хушнуд нест.
Дар ҳамин ҳол, шаҳрдорӣ ёдовар шуд, ки маъмулан садҳо ҳазор муҳоҷир аз кишварҳои ИДМ бо мақсади кор ба Маскав меоянд.