ДУШАНБЕ, 9 сен – Sputnik. Намояндаи махсуси Президенти Федератсияи Русия оид ба корҳои СҲШ, намояндаи махсуси Вазорати корҳои хориҷӣ Бахтиёр Ҳакимов гуфт, ки Созмони Ҳамкории Шанхай ба ҳукумати нави Афғонистон чӣ гуна муносибат мекунад.
Вай қайд кард, ки бо маъмурияти нави Афғонистон робита вуҷуд надорад, ҳамаи музокирот аз ҷониби кишварҳо ба таври дуҷониба сурат мегиранд.
Ҳакимов афзуд, ки эътирофи ҳукумати нави Толибон* ҳуқуқи шахсии ҳар як давлат аст.
Намояндаи СҲШ қайд кард, ки созмон аз ҳалли сиёсӣ дар Афғонистон ҷонибдорӣ намуда, тарафдори раванди ҳукумати фарогир бо иштироки ҳамаи миллатҳо мебошад.
Вале, тавре ки Ҳакимов гуфт, бисёр чиз аз он вобаста хоҳад буд, ки Толибон* чӣ гуна кафолатҳо ва ваъдаҳои додашударо иҷро хоҳанд кард.
Ҳоло ягон кишвар расман ҳукумати нави Толибон* -ро эътироф накардааст.
Талаби калидие, ки намояндагони Вазорати корҳои хориҷӣ, аз ҷумла Русия ва Тоҷикистон зикр кардаанд, таъсиси ҳукумати фарогир дар Афғонистон аст.
*ташкилоти террористӣ дар Русия ва Тоҷикистон мамнӯъ аст.