ДУШАНБЕ, 8 сен – Sputnik. Алӣ Шамхонӣ гуфтааст: "авлавияти аввали Афғонистон субот ва оромӣ аст. Бе таваҷҷуҳи ба зарурати эҷоди ҳукумати фарогир, мудохилаи хориҷӣ ва истифода аз васоили низомӣ ба ҷои гуфтугӯ барои посухгӯӣ ба мутолиботи ақвом ва гурӯҳҳои иҷтимоӣ, нигарониҳои аслии дӯстон мардуми Афғонистон аст".
Дар даҳ рӯзи аввали моҳи август Толибон ҳамлаҳои худро ба нерӯҳои ҳукуматӣ дар Афғонистон шиддат бахшиданд. Ягона минтақае, ки таҳти назорати Толибон набуд, вилояти Панҷшер буд, ки аз лиҳози масоҳат ва аҳолӣ яке аз хурдтарин минтақаҳои ин кишвар ба ҳисоб меравад.
Санаи 15 август ҷангҷӯёни Толибон* вориди пойтахти Афғонистон шуданд ва қасри раёсати ҷумҳуриро ишғол карданд.
Шаби 16 август Муҳаммад Наим, намояндаи бахши сиёсии Толибон* гуфт, ки ҷанг дар Афғонистон ба поён расидааст ва дар ояндаи наздик шакли идоракунии кишвар мушаххас хоҳад шуд.
Ахиран ҳамлаҳои Толибон* ба Панҷшер, такягоҳи ҷунбиши муқовимат дар Афғонистон, шиддат гирифтааст.
* - созмони террористӣ, ки дар қаламрави Тоҷикистону Русия мамнӯъ аст