ДУШАНБЕ, 8 сен — Sputnik. Покистон ба сиёсати дохилии Афғонистон мудохила мекунад. Дар ин бора сафири Афғонистон дар Тоҷикистон Муҳаммад Зоҳир Агбар зимни нишасти матбуотӣ дар Душанбе хабар дод.
Ба гуфти сиёсатмадор, ҷанг дар кишвар на танҳо байни афғонҳост.
Паёмҳо дар бораи ҳамкории мақомоти нави ҷумҳурӣ, ҷангиёни Толибон* ва Покистон ахиран дар расонаҳо зуд -зуд пайдо мешаванд.
Рӯзноманигорон қайд мекунанд, ки сардори ҳукумати Афғонистон Муҳаммад Ҳасан Охунд бо мақомоти кишвари ҳамсоя зич алоқаманд аст.
Пештар як қатор нашрияҳо Нерӯҳои Ҳавоии Покистонро дар кумак ба Толибон* дар ҳамла ба вилояти Панҷшер айбдор карданд.
Солҳои 90 -ум Покистон яке аз се кишваре буд, ки ҳокимияти Толибон* -ро дар Афғонистон эътироф кард.
Илова бар ин, зимни нишасти хабарӣ дар Душанбе Ағбар таъкид кард, ки ҳукумати нави ҷумҳурӣ ғайриқонунӣ ташкил шудааст ва шахсан ӯ бо радикалҳо шарик нахоҳад шуд, то даме, ки онҳо ба эҳтироми ҳуқуқи инсон ва таъсиси ҳукумати фарогир шурӯъ накунанд.
Сиёсатмадор қайд кард, ки ӯ акнун ноиби президенти пешини Афғонистон Амруллоҳ Солеҳро дар Тоҷикистон намояндагӣ хоҳад кард.
* - ҷунбиши Толибон, ки дар Русия, Тоҷикистон ва дигар кишварҳо террористӣ эътироф шудааст ва фаъолияташ мамнӯъ аст