ДУШАНБЕ, 3 сен - Sputnik. Ширкати "Уралские авиалинии" парвозҳои муқаррариро аз шаҳрҳои Русия ба Тоҷикистон аз сар гирифт, иттилоъ додааст дафтари матбуоти ин ширкати ҳавоӣ.
"Ширкати ҳавоӣ парвозҳои мунтазами худро аз Тоҷикистон ба Русия ва инчунин аз Русия ба Тоҷикистон оғоз кардааст”, - иттилоъ додааст манбаъ.
Маълум шудааст, ки дар фасли тирамоҳ ҳавопаймоҳои Ural Airlines ба Жуковский, Санкт-Петербург, Екатеринбург, Уфа, Новосибирск, Перм, Налчик, Нижнекамск, Минеральные Воды, Қазон, Ростови лаби Дон, Самара, Красноярск, Краснодар, Челябинск, Калуга, Белгород, Липецк, Владикавказ, Нижний Новгород ва Воронеж аз Душанбе, Хуҷанд, инчунин Кӯлоб парвоз хоҳанд кард.
Ин ширкат илова кардааст, мусофироне, ки аз Русия парвоз мекунанд, ба Тоҷикистон, лозим надоранд санади "олуда набудан ба коронавирус"-ро пешниҳод намоянд.
Қаблан аз афзоиши парвозҳо миёни ду кишвар сафорати Русия дар Душанбе хабар дод.
Онҳо қайд карданд, ки аз 7 сентябр ҳавопаймоҳои ширкати “Utair” ҳар рӯз дар масири Маскав-Душанбе парвоз хоҳанд кард.
Ёдовар мешавем, ки ситоди амалиётӣ оид ба пешгирӣ аз воридот ва паҳншавии коронавирус дар Русия тасмим гирифтааст, ки аз 27 август шумораи парвозҳо байни Тоҷикистону Русияро зиёд намояд.