ДУШАНБЕ, 1 сен — Sputnik. Яке аз пешвоёни шимол Атто Муҳаммади Нур бори аввал пас фирору чанде хомӯшӣ дар шабакаи хабарии Afghanistan International суханронӣ кард.
Вай гуфт, ки бори аввал Афғонистонро тарк кардааст ва ҳоло дар Дубай қарор дорад.
Волии собиқи Балх қайд кард, ки Панҷшер минтақаест, ки макони аз ҷиҳати стратегӣ муҳим дорад.
"Дар гузашта қаҳрамони миллии мо дар он ҷо меҷангид ва марҳум Раббонӣ тамоми сиёсатмадоронро муттаҳид кард, ҳама раҳбарон якҷо буданд. Аммо ҳоло дар Панҷшер чунин гап нест. Аҳмад Масъуд ҳанӯз ҷавон аст, таҷрибаи ҷангӣ надорад", - гуфт, сиёсатмадори афғон.
Вай афзуд, ки барои муқовимат бояд чораҳои миқёси калон андешида шаванд, як барномаи густарда лозим аст.
Бо вуҷуди ин Ато Нур ба Ҷабҳаи муқовимат муваффақият орзу кард.