ДУШАНБЕ, 29 авг - Sputnik. Президенти Фаронса Эммануэл Макрон дар шарҳҳое, ки дар ҳафтаномаи Journal du Dimanche нашр шудааст, ҷузъиёти сӯҳбати телефониро бо президенти Тоҷикистон Эмомалӣ Раҳмон ифшо кардааст.
Вай гуфт, ки дар муколама ба ҷуз аз авзоъ дар Афғонистон, мавзӯи паноҳандагон матраҳ шудааст.
"Президенти Тоҷикистон Эмомалӣ Раҳмон, ки ду рӯз пеш бо ӯ суҳбат доштам, ба ман гуфт, ки дар марзи ӯ фишори шадид вуҷуд дорад", - гуфт Макрон.
Президенти Фаронса афзуд, ки масъалаи муҳоҷират бояд бо адамияти бузург, шаффофият ва ҳисси масъулият баррасӣ шавад, то ба авомфиребӣ наафтад.
Макрон афзуд, ки ба Аврупо ва дигар кишварҳо шумораи зиёди гурезаҳои афғон ворид хоҳад шуд.
Ӯ бо истинод ба маълумоти Созмони Милали Муттаҳид таъкид намуд, ки дар Эрон аллакай 850 000 паноҳандаи афғон ва дар Покистон 1,5 миллиони дигар ба сар мебаранд.
Кишвардори Фаронса бар ин назар аст, ки ҳамоно теъдоди зиёди одамонро мебояд аз Афғонистон берун овард, зеро ба ҷони онҳо дар он кишвар хатари азим таҳдид мекунад.