ДУШАНБЕ, 26 авг — Sputnik. Шабонарӯзи гузашта дар Русия дасти кам 820 маризи коронавирус ҷон аз даст доданд, хабар медиҳад РИА Новости бо истинод ба Ситоди фаврии мубориза алайҳи ин беморӣ.
Мавориди фавт аз ин дард моҳи ҷорӣ якбора афзоиш ёфт. Ҳанӯз рӯзи 14 август дар 24 соат 819 нафар ва як рӯз қабл фавти 809 нафар ба қайд гирифта шуд.
Дар ҳамин ҳол, мавридҳои гирифторӣ ба фарқ аз ҳафтаҳои гузашта коҳиш ёфта ба 19 630 нафар баробар шудааст.
Шумораи умумии дардмандони вируси COVID - 19 ба 6 824 540 нафар расидааст. Зимнан, теъдоди қурбониёни коронавирус ба 179 243 нафар баробар аст. Ҳамзамон аз авоили хуруҷи беморӣ дар Русия дасти кам 6 092 818 нафар комилан шифо ёфтанд.
Манбаъ меафзояд, феълан дар Русия 552 479 нафар беморони коронавирус ба табобат фаро гирифта шудаанд.