ДУШАНБЕ, 25 авг – Sputnik. Вазорати дифои Русия бо супориши президенти кишвар Владимир Путин тахлияи шаҳрвандонаш ва мардуми кишварҳои СААД ва Украинаро аз Афғонистон ташкил мекунад, хабар медиҳад дафтари матбуоти ниҳоди ҳарбӣ.
Ҳамин тариқ, барои иҷрои ин супориш, чор ҳавопаймои низомӣ ҷалб карда шуданд.
Ва беш аз 500 нафар аз ҷумла шаҳрвандони Белорус, Қирғизистон, Тоҷикистон ва Ӯзбекистон аз қаламрави Афғонистон берун бароварда шуданд.
Вазорати дифои Русия шарҳ дод, ки дар ҳар як ҳавопаймои Русия гурӯҳҳои табибони низомӣ ҳузур доштанд. Дар ҳолати зарурӣ ба шаҳрвандон кумаки тиббӣ расонида мешавад.
Ҳамчунин, ҳамаи ҳавопаймоҳҳо бо об, ғизо ва кӯрпа таъминанд.
Қаблан расонаҳои афғонӣ хабар доданд, ки ҷангҷӯёни Толибон* (созмоне, ки дар Русия ва Тоҷикистон мамнӯъ аст) дастрасии шаҳрвандони Афғонистонро ба фурудгоҳи Кобул манъ мекунанд, роҳи фурудгоҳ баста аст ва танҳо хориҷиён метавонанд ба он ҷо раванд.
* - созмони террористии мамнӯъ дар Тоҷикистон, Русия ва бархе кишварҳои дигар