ДУШАНБЕ, 24 авг - Sputnik. Дастаи Тоҷикистон дар бахши дуввуми мусобиқаи "Биатлони танкӣ" пирӯз шуд.
Низомиён аз панҷ ҳадаф чаҳорро бехато заданд. Гарчанде ҳаракати онҳоро намешавад соф тоза арзёбӣ кард - танкчиён ба якчанд нишонаҳо бархӯрданд, аммо ба ҳар ҳол он дар таърихи даста босуръаттарин шуд.
Танкчиёни тоҷик дар давоми 27 дақиқаю 23 сония ба марра расиданд, ки на танҳо зудтарин дар дивизияи дуввум буд, балки рекорди шахсии даста низ шуд.
Дар сабқати аввал ҷумҳуриро лейтенанти калон Саидмуддин Мӯъминов, тупчӣ-оператор лейтенанти калон Фирӯз Муродов, ронанда-механик капитан Саидҷон Мирзоев намояндагӣ карданд.
Дигар кишварҳо ба таври назаррас натиҷаи бадтар нишон доданд.
Дастаи Осетияи Ҷанубӣ се даврро қариб дар 50 дақиқа тай кард, дастаи Қатар тақрибан дар як соату 20 дақиқа ва танкерҳои Абхозистон аз ҳаққи иштирок дар мусобиқа маҳрум шуданд.