ДУШАНБЕ, 24 авг — Sputnik. Кормандони Росселхознадзори минтақавӣ дар вилояти Челябинск беш аз 66 тонна меваи сироятнок ошкор карданд.
Ҳангоми ташхиси маҳсулоти аз Тоҷикистону Узбекистон воридшуда 9 ҳолати сироятёбӣ бо ашёи зараровар ошкор карда шуд.
Аз ҷумла, дар 62,8 тонна себе, ки аз ду ҷумҳурӣ оварда шудааст, ҳашарот ва дар 3,8 тонна шафтолуҳо аз Ӯзбекистон овардашуда кирми куяи шафтолу ёфт шуд.
Тахшиси Росселхознадзор аз 9 то 22 август ба қайд гирифта шудааст.
Дар ҳамин ҳол, қаблан хабар дода шуда буд, ки Тоҷикистон интиқоли сабзавоту мева ба Русияро афзоиш додааст.
Дар соли 2021 интиқоли мева ва сабзавот аз Тоҷикистон 38%афзоиш ёфтааст. Ҳамин тариқ, ҳаҷми воридоти имсола аз 4,8 ҳазор тонна то 6,7 ҳазор тонна афзоиш ёфт.
Тоҷикистон содироти меваи хушк, гелос, ангур ва шафтолуро ба Русия афзоиш додааст.