Мусобиқаҳои инфиродӣ дар доираи бозиҳои АрМИ-2021 дар машқгоҳи Алабино дар вилояти назди Маскав идома доранд.
Соати 10:00 бо вақти маҳаллӣ (12:00 бо вақти Душанбе) экипажҳои дивизияи якум аз Сербия, Белорус, Озарбойҷон ва Қазоқистон барои пешсафӣ рақобат карданд.
Соати 11:00 дастаҳои лигаи дуюм аз Қатар, Осетияи Ҷанубӣ, Абхазия ва Тоҷикистон вориди майдон мешаванд.
Дастаи мунтахаби Тоҷикистон бо мошинҳои сабзи ҷангӣ рақобат мекунад.
Ёдовар мешавем, ки соли 2021 Бозиҳои VII байналмилалии артишии "АрМИ-2021" аз 22 август то 4 сентябр баргузор мешаванд.
Вазорати мудофиаи Русия 96 кишварро барои ширкат дар Бозиҳои 2021 даъват кардааст. 277 даста аз зиёда аз 40 кишвар хоҳиши иштирок карданро иброз доштанд.
Дар соли 2021 - 11 кишвар "AрМИ-2021"-ро дар якҷоягӣ бо Федератсияи Русия баргузор мекунанд. Дар ҳудуди онҳо 21 мусобиқа баргузор мегарданд.