ДУШАНБЕ, 23 авг — Sputnik. Қазияро дафтари матбуоти Вазорати корҳои дохилаи Тоҷикистон шарҳ додааст.
Бино бар иттилои манбаъ, зани 50-солае аз шаҳри Ҳисор ба милиса аз писари 28-солааш шикоят бурдааст.
"Ба ШВКД дар шаҳри Ҳисор бо ариза зани 50-солаи сокини ҷамоати шаҳраки Ҳисори шаҳри мазкур муроҷиат намудааст", - менависад манбаъ.
Ба қавли зан, моҳи июли соли 2021, писараш марди 28-солаи сокини ҳамон ҷо, аз хонаи истиқоматиашон 114 ҳазору 320 сомонӣ (бештар аз 10 ҳазор доллар)-ро дуздида, аз ҷойи ҳодиса ғайб задааст.
Дафтари матбуоти ВКД менависад, аз рӯи ин ҳодиса тафтишот идома дорад.