ДУШАНБЕ, 19 авг — Sputnik. Русия бояд барои рафъи ҳамагуна таҳдидҳо аз Афғонистон ба Тоҷикистон, Туркманистон ва Ӯзбекистон кумак кунад.
Дар ин бора дар суҳбат бо шабкаи телевизионии "Россия 24" раҳбари ҳизби либерал-демократи Русия Владимир Жириновский ҳарф зад.
Ба гуфти ӯ, чунин тадбир яке аз роҳи ҳалли мушкили Афғонистон хоҳад буд.
Русия метавонад ҳукумати нави Афғонистонро эътироф накунад ва дар робита ба бад шудани авзои кишвар ягон тадбирандешӣ нанамояд, аммо он гоҳ ба кишварҳои Осиёи Марказӣ "гурӯҳи ҷиноятпешаи ДОИШ*" ворид мешавад, изҳор дошт Жириновский.
Ҳамчунин ба ақидаи ӯ, тақсимоти кишвар метавонад роҳи ҳалл бошад.
Ёдрас мешавем, ки пас аз забти Кобул, раҳбарони ҷангиён қасри президентро ишғол карданд ва аз анҷоми ҷанг дар ҷумҳурӣ хабар доданд.
Президент Ашраф Ғанӣ гуфт, ба хотири амнияти мардум кишварро тарк мекунад.
Ҳазорон шаҳрвандони кишвар аз тарси Толибон* ба фурудгоҳ рехтанд. Ин ягона роҳи аз кишвар баромадан ё фирор кардан аст, чун ҳамаи гузаргоҳҳои марзӣ таҳти назорати Толбион* қарор дорад.
Аксари кишварҳо ҳавопаймоҳои худро ба фурудгоҳ фиристоданд, то хизматчиёни давлатӣ ва шаҳрвандонашонро берун кунанд. Пас аз чанд вақт, Толибон* аз қатъи парвозҳои шаҳрвандӣ гуфтанд.
Дар фурудгоҳ бесарусомонӣ сар шуд: одамон ба ҳавопаймоҳҳо часпиданд. Навори даҳшатоваре низ дар шабакаҳои иҷтимоӣ паҳн шуд, ки дар он дида мешавад, чӣ гуна ҷасади афғонҳое, ки ба ҳавопаймо часпида буданд, аз ҳаво сарозер мешавад,
Барои пароканда кардани издиҳом сарбозони амрикоӣ ва Толибон* оташбаси огоҳкунанда кушоданд. Бо вуҷуди даъвати тарк кардани фурудгоҳ, ҳазорон нафар дар фурудгоҳи Кобул боқӣ мемонанд.
* - Ташкилоти террористӣ, ки фаъолияташ дар Тоҷикистон, Русия ва чанд кишвари дигар мамнӯъ аст.