ДУШАНБЕ, 15 авг – Sputnik. Вазорати тандурустии Тоҷикистон омори тозаи сироят, шифо ва марг аз коронавирусро дар Тоҷикистон нашр кард.
Бино бар иттилои манбаъ, 14 август дар Тоҷикистон шумораи шифоёфтагон нисбат ба сироятёфтагон бештар буд.
Ҳамин тавр, дар як шабонарӯзи гузашта 64 ҳолати нави гирифторшавӣ ба коронавирус тасдиқ ёфта, 78 кас шифо ёфтаанд.
Хушбахтона, бино бар иттилои вазорат, нафаре тайи як рӯзи гузашта қурбони коронавирус нашудааст.
Дар умум, дар Тоҷикистон 16 ҳазору 61 нафар мубталои коронавирус шуда, 15 ҳазору 671 нафар аз он шифо ёфтаанд ва мутаассифона 123 нафар дар пайи ин вирус фавтидаанд.
Вазорат аз аҳолӣ хоҳиш мекунад, ки чораҳои беҳдоштиро риоя кунанд - ниқоби тиббӣ пӯшанд, фосилаи иҷтимоиро риоя кунанд ва ваксин гиранд.