ДУШАНБЕ, 10 авг - Sputnik. Ҳамлагари аргентинӣ Лионел Месси бо клуби Фаронса "Пари Сен-Жермен" шартнома мебандад.
Дар ин бора рӯзноманигор Вероника Брунати дар саҳифааш дар Twitter хабар додааст.
Ба гуфти вай, созишнома барои ду сол бо имкони тамдиди минбаъдаи он то моҳи июни соли 2024 пешбинӣ шудааст.
Маоши варзишкори 34-сола дар як мавсим 35 миллион евро хоҳад буд. Лионел аллакай имрӯз азсСанҷиши тиббӣ дар "ПСЖ" мегузарад.
Маълум аст, ки Месси ният дорад, ки дар ин клуб танҳо таҳти рақами 30 бозӣ кунад, ки дар оғози фаъолияти худ дар Барселона дошт.
Футболбоз аввалин бозии худро дар ҳайати асосии Барселона соли 2004 анҷом дода буд.
Аз он вақт инҷониб ӯ ҳамеша ба ҷонибдории "кабуду - анорӣ"" бозӣ мекард. Месси ҳамроҳ бо ин клуб даҳ чемпионати Испания ва ҳафт Ҷоми Испанияро ба даст овард.
Илова бар ин, ӯ чор маротиба қаҳрамони Лигаи Чемпионҳо шудааст. Ҳафтаи гузашта раҳбарияти Барселона гуфтанд, ки ният надоранд бо Месси, созишномаи нав имзо кунанд.