ДУШАНБЕ, 3 август - Sputnik. Таҳлилгари сиёсии Ширкати давлатии телевизион ва радиошунавонии Русия, рӯзноманигор Андрей Медведев дар муколама бо Sputnik шарҳ дод, ки чаро ваъдаҳои Толибон* метавонанд ваъда боқӣ монанд.
"Ин Шарқ аст: имрӯз ӯ ваъда дод, фардо фикри худро тағир медиҳад. Ҳама чиз хеле сода аст", - қайд кард коршинос.
Медведев афзуд, агар ҷангҷӯён дар марз бо Тоҷикистон ё Ӯзбекистон ба ҷанг сар кунанд, пас Русия ва кишварҳои Осиёи Марказӣ бо мушкилоти хеле ҷиддӣ рӯбарӯ хоҳанд шуд.
Таҳлилгари сиёсӣ ҳамчунин қайд кард, ки Тоҷикистон, Ӯзбекистон ва дигар кишварҳои минтақа метавонанд таҳти таҳдиди бӯҳрони муҳоҷират ва терроризм қарор гиранд.
Рӯзноманигор инчунин афзуд, ки ҳукумати феълӣ дар як ҳолати хатарнок қарор дорад. Он нозук аст, зеро Толибон* ба ҳама ҷабҳаҳо зарба мезанад: иқтисодӣ, иттилоотӣ ва дипломатӣ.
Эзоҳ: Толибон* - ташкилоти террористие, ки фаъолияташ дар Русия, Тоҷикистон ва як қатор кишварҳои дигар манъ карда шудааст.