ДУШАНБЕ, 3 авг — Sputnik. Бино ба иттилои маркази матбуотии ҳавзаи марказии низомӣ, пойгоҳи Русия дар Тоҷикистон як гурӯҳ аз 17 мошини ҷангии пиёдагарди муосир (BMP-2M) -ро дар ихтиёри худ гирифт.
Хабар дода мешавад, ки таҷҳизоти нав аллакай озмуда ва ба истифода дода шудааст.
Қаблан Округи марказии ҳарбӣ хабар дода буд, ки ба манзури таҳкими пойгоҳи 201 -уми Русия дар заминаи шиддат ёфтани вазъ дар Афғонистон мошинҳои зиреҳпӯш иваз хоҳанд шуд.
Ҳамакнун бори нахуст аз ин мошинҳо ба зудӣ истифода бурда мешавад: дар машқҳои муштараки Русия, Тоҷикистон ва Узбакистон.
Тибқи иттилои Округи марказии ҳарбӣ, мошинҳои зиреҳпӯши пиёданизом дорои системаи худкори идоракунии оташ аст ва инчунин бо дастгоҳҳои ҳадафбандӣ ва мушоҳида ва радиостансияи нави R-168 "Aкведук" муҷаҳҳаз аст.
Вазифаҳои асосии мошинҳои мазкур, муҳофизат ва пӯшонидани хизматчиёни ҳарбӣ дар хатти фронт мебошанд.