ДУШАНБЕ, 1 авг — Sputnik. Дар Тоҷикистон озмуни беҳтарин мактаби русӣ баргузор мешавад. Дар ин бора дафтари матбуоти Вазорати маорифи Русия хабар додааст.
Ба гуфтаи ташкилкунандагон, озмун имкон медиҳад, ки сифати таълими забони русӣ дар хориҷ аз кишвар арзёбӣ карда шавад.
Ҳамчунин ин озмун беҳтарин усулҳои омӯзишӣ ва сатҳи омӯзишдиҳиро муайян мекунад ва дар дигар муассисаҳои таълимӣ паҳн карда шаванд.
Ҳамин гуна озмунҳо дар Ӯзбекистон ва Қирғизистон низ баргузор мешаванд. Вазирони маорифи кишварҳо зимни як вохӯрӣ, ки бо ташаббуси сардори Вазорати маорифи Русия Сергей Кравцов баргузор шуд, оид ба ташкили озмунҳо ба мувофиқа расиданд.
Намояндагони кишварҳо таҳияи лоиҳаҳои башардӯстонаеро, ки ба дастгирии омӯзишу парвариши ва таълими забони русӣ дар ин давлатҳо равона шудааст, баррасӣ карданд.
Кравцов таъкид кард, ки Русия, Тоҷикистон, Ӯзбекистон ва Қирғизистонро таърихи умумӣ ва ҳамкории пурсамари дарозмуддат бо ҳам мепайвандад. Аз ин рӯ, кишварҳо бояд барои эҷоди фазои муштараки таълимӣ кор кунанд.
Ёдовар мешавем, ки дар Тоҷикистон то сентябри соли 2022 сохтмони 5 мактаби русиро ба анҷом расонида шавад, ки ҳар яки онҳо метавонанд то 1200 хонандаро қабул намояд.
Вазорат маорифи Русия қайд кардааст, ки ҳамин тариқ, кӯдакон ба таҳсилоти муосир дастрас пайдо мекунанд.
Муассисаҳои таълимӣ дар панҷ шаҳр: Душанбе, Кӯлоб, Хуҷанд, Бохтар ва Турсунзода сохта мешаванд.
Ҳамчунин, 50 омӯзгори рус аз 18 минтақаи Русия дар мактабҳои тоҷикӣ кор мекунанд.