Ҳодисаи афтидани метеорит дар шаҳри Измир дар ғарби Туркия тақрибан соати 01:54 рух дод, хабар дод нашрияи Sabah.
Ба иттилои манбаъ, сокинони шаҳр шаби гузашта метавонистанд, шоҳиди афтидани ҷирми осмонӣ ва дурахши он шавад.
Дар бахши туркии шабакаҳои иҷтимоӣ корбарон аксҳо ва видеоҳои зиёди гирифтаашонро нашр мекунанд. Зикр шудааст, ки афтидани метеорит садое ба ҳамроҳ дошт.
Мақомоти Туркия дар бораи хисороте дар пайи афтидани метеорит то ҳол гузорише надодаанд.
Афтидани метеорит дар ҳолест, ки Туркияро рӯзҳои охир сӯхторҳои шадид фаро гирифтаанд. Дар пасманзари ин ҳодисаҳо, бархе корбарон шӯхӣ кардаанд, ки ояндаи наздик бояд мавҷудот аз сайёраҳои дигар ва зомбиҳоро мунтазир шуд.