ДУШАНБЕ, 29 июл - Sputnik. Вазъи Афғонистон хусусан Русияро нигарон кардааст, гуфт котиби матбуотии президенти Русия Дмитрий Песков дар мусоҳиба бо хабарнигорон.
Вай иқрор шуд, ки аз вахим шудани вазъ дар ин кишвар "ҳама дар ҳаросанд".
"Мо бешубҳа омодаем, ки дар пасманзари таҳдиде, ки ҳаводиси Афғонистон метавонад эҷод кунад, бо шарикони худ бошем", - гуфт Песков.
Вай қайд кард, ки Русия бо иттифоқчиёни худ машқҳои низомӣ мегузаронад, то амалҳои муштаракро сайқал диҳад ва қобилияти мудофиавии худро санҷад.
Песков рӯшан кард, ки масъалаи ба марзҳои Афғонистон фиристодани як контингенти иловагии нерӯҳои мусаллаҳи Русия баррасӣ нашудааст.
Ёдовар мешавем, ки аввали моҳи август дар тамрингоҳи Ҳарбмайдони Тоҷикистон, дар 20-километрии Афғонистон, тамринҳои муштараки Русия, Тоҷикистон ва Ӯзбекистон баргузор мешаванд.
Ҳадафи асосии ин амалиётҳо рафъ кардан ва пешгирии ҳамлаҳои террористӣ мебошад. Дар ин тамринҳо ҳудуди 1,5 ҳазор низомӣ ширкат мекунанд.