ДУШАНБЕ, 28 июл - Sputnik. Тавре дафтари матбуоти вазорати мудофиаи Тоҷикистон хабар додааст, дар ҳоли ҳозир, дар Душанбе ба ҷуз вазири дифои Ӯзбекистон дигар ҳамаи вазирони дифои узви кишварҳои СҲШ ҷамъ омаданд.
манбаъ таъкид дотааст, ки вазири мудофиаи Ӯзбекистон низ ба зудӣ ба онҳо ҳамроҳ хоҳад шуд.
Вазири мудофиаи Беларус низ ба ҳайси меҳмони ҷаласа ба пойтахти Тоҷикистон ворид шудаааст.
манбаъ таъкид доштааст, ки ҷаласаи вазирони мудофиа имрӯз, 28 июл таҳти раёсати вазири мудофиаи Тоҷикистон генерал-полковник Шералӣ Мирзо баргузор мешавад.
Қайд карда шудааст, ки дар ҷаласаи мазкур масъалаҳои рушди ҳамкорӣ дар соҳаҳои ҳарбӣ ва ҳарбӣ-техникӣ мавриди баррасӣ қарор гирифта мешавад.
Инчунин иштирокчиёни ҷаласа ба вазъи кунунии Афғонистон таваҷҷуҳи хосса зоҳир хоҳанд кард.
Вазирон инчунин макон ва таърихи баргузории машқҳои муштараки низомӣ бо номи "Рисолати сулҳовар-2021” (Мирная миссия-2021)-ро мувофиқа мекунанд. Аз рӯйи натиҷаҳои ҷаласа Эъломияи Душанбе қабул мешавад.
Дар ҳамин ҳол, иттилоъ дода шудааст, ки қарор аст, роҳбарони ҳайатаҳоро инчунин президенти Тоҷикистон Эмомалӣ Раҳмон ба ҳузур пазирад.