ДУШАНБЕ, 28 июл — Sputnik. Вазири мудофиаи Русия Сергей Шойгу бар пояи муҷассамаи Исмоили Сомонӣ дар маркази Душанбе гулчанбар гузошт.
Вазири рус ҳамроҳ бо дигар ҳамтоёнаш аз кишварҳои узви СҲШ дар майдони марказии пойтахт "Дӯстӣ", ин маросимро анҷом дод.
Пас аз гулчанбаргузорӣ, қарор аст, нишасти вазирони дифои кишварҳои узви Созмони Ҳамкориҳои Шанхай баргузор шавад.
Дар ҷаласа ҳайатҳои низомӣ аз Ҳиндустон, Қазоқистон, Чин, Қирғизистон, Покистон, Тоҷикистон ва Ӯзбекистон ва инчунин Белорус ҳамчун як кишвари нозир дар СҲШ ширкат хоҳанд кард.
Дар доираи ин сафар, Шойгу бо роҳбарони бахши мудофиаи кишварҳои СҲШ мулоқоти дуҷониба хоҳад дошт.