Марзи Тоҷикистону Афғонистон: ҳоло чӣ рух дода истодааст?

ДИИШ* дар шимоли Афғонистон бо ҷангҷӯёнаш аз Чину Осиёи Марказӣ фаъол шудааст

Ҷангҷӯён аз Чин ва Осиёи Марказӣ дар шимоли Афғонистон фаъол гаштаанд
Sputnik
ДУШАНБЕ, 22 июл - Sputnik. Кобул аз талоши гурӯҳҳои гуногуни роҳзан баарои пайвастан ба ДИИШ (созмони террористии дар қаламрави Русия мамнӯъ) дар шимоли Афғонистон шадидан нигарон аст, менависад РИА Новости.
Ба гуфтаи мушовири президенти Афғонистон, намояндаи қавми ҳазора Муҳаммад Муҳаққиқ, решакан кардани чунин хатари террористӣ дар кишвар муҳим аст.
"Маълумот мавҷуд аст, ки гурӯҳҳои мухталиф мехоҳанд дар сафи ДИИШ * дар шимол аз Бадғис то Бадахшон дар тамоми марз бипайванданд. Ҷангҷӯён аз Чину Осиёи Марказӣ ва дигар кишварҳо ҳастанд", - гуфт мушовири президенти ҶИА Муҳаммад Муҳаққиқ.
Мақомот мегӯянд, ки агар гурӯҳҳо ба ДИИШ* ҳамроҳ шаванд, ин хатари хеле ҷиддӣ хоҳад дошт.
Ба гуфтаи мушовир, ҳузури ДИИШ * барои Афғонистон як мушкили ҷиддӣ аст. Дар бораи муқовимат бо ҷунбиши радикалии Толибон* (дар қаламрави Федератсияи Русия манъшуда) сухан ронда, Муҳаққиқ инчунин илова кард, ки дар бораи сохти исломӣ як фаҳмиши ягона мавҷуд аст, аммо ихтилофи назар дар консепсияи ин режим боқӣ мондааст.
ВКХ Русия: ташаннуҷи вазъ дар Афғонистон ба кишварҳои Осиёи Марказӣ таҳдид мекунад
"Албатта, фаҳмиши мо дар бораи режими исломӣ каме фарқ мекунад. Мо онро бештар ҳамчун мардумсолорӣ мебинем, Толибон* бештар дар шакли мазҳабӣ", - гуфт ӯ.
Ҳамзамон, Муҳаммад Муҳаққиқ ба хулосае омад, ки "нуқтаҳои умуми тамос" -ро пайдо кардан мумкин аст.
Эзоҳ ДИИШ* ва Толибон* ташкилотҳои террористӣ, ки дар Федератсияи Русия манъ карда шудааст.