Сафи гурезаҳои афғон ҳамарӯза рӯ ба афзоиш аст. Онҳо аз тарси ҳамлаву зулми Толибон* ба ҳар сӯ роҳи гурезро пеш мегиранд.
Дар навори боло сокинони Қандаҳори Афғонистон ҳастанд, ки маҷбур шудаанд хонаҳои худро тарк намуда дар масҷидҳо паноҳ бибаранд.
Миёни гурезагон кӯдакони тамоман кӯчак низ ҳаст.
Ҷангиёни ҳаракати Толибон чанд рӯзи пеш иддао намудаанд, ки 85 фисади қаламрави Афғонистонро ба тобеияти худ дароварданд. Аммо ҳукуматдорон ин маълуморо дуруғ хонда, як рӯзи пеш эълон намудаанд, тамоми минтақаҳое, ки Толибон қаблан забт карда буданд, бозпас гирифтанд.
Ҳамлаи Толибон дақиқан пас аз хуруҷи низоми Амрико аз хоки ин кишвар вусъат ёфт ва феълан набарди сахт миёни онҳо ва низомиёни ҳукуматӣ идома дорад.
* созмони мамнӯъ дар Тоҷикистон ва Русия