ДУШАНБЕ, 8 июл — Sputnik. Дар ҷаласаи Шӯрои Амнияти Туркманистон бо ҳузури раисҷумҳур Қурбонқули Бердимуҳаммедов мавзӯъоти мухталифи амниятии дохилӣ ва хориҷии ин кишвар баррасӣ шуд, иттилоъ додааст, иттилоъ додааст радиои тоҷикии Садои Хуросон.
Бино бар иттилои манбаъ, дар ин ҷаласа пас аз баррасии вазъияти низомӣ дар Афғонистон таъкид шуд, ки тадобири лозим барои тақвияти навоҳии марзӣ ҳарчӣ зудтар иҷро шавад.
Бар асоси гузориши расонаҳои маҳаллӣ, Туркманистон дар назар дорад то сомонаҳои мушакии худро дар 130 километрии марз боАфғонистон ва дар устони “Марӣ” ва “Лабоб” мустақар кунад.
Илова бар ин дар ин ҷаласа тасмим гирифта шуд таҷҳизоти низомии шомили чандин фарванди ҷанганда ва болгарди низомӣ ба фурудгоҳи ҳавои Мари 2 мунтақил шавад.
Дар ин ҷаласа муқарар шуд дар сурати лузуми ронандагони ғайринизомӣ то синни 60 сол барои ронандагии мошинҳои боркаш, бензинкашҳо, прицепҳо ва мошинҳои нақлиётии беморон ба кор ҷалб карда шаванд.
Ёдрас мешавем, ки Толибон* минтақаи ҳаммарз бо Туркманистон Андҳойро забт карданд.
*созмони мамнӯъ дар Тоҷикистон, Русия ва бархе кишварҳои дигар