ДУШАНБЕ, 5 июл — Sputnik. Ториқ Орин, Сухангӯи вазорати кишвари Афғонистон ахиран гуфт, иддаои Толибон (гурӯҳи мамнӯъ дар Русия ва Тоҷикистон) мабнӣ бар суқӯти шаҳристонҳо нодурустаст ва ҷобаҷоии нерӯҳои амниятӣ дар теъдоде аз марокизи шаҳристонҳо ба дигар манотиқ ба маънеи суқӯт нест, иттилоъ додааст хабаргузории “Парстудей”.
Ториқ Орин афзуд, ки Толибон тавонои ҳифзи ҳеч як аз шаҳристонҳоро надорад ва ҳузури ин гурӯҳ дар манотиқе, ки пешравӣ кардааст, муваққат аст ва қатъан доимӣ нест.
Бояд қайд кард, ки ҳамзамон бо оғози раванди хурӯҷи низомиёни амрикоӣ аз Афғонистон, ҳамалоти Толибон ба таври бесобиқае афзоиш ёфта ва дар пайи он суқӯти шаҳристонҳо маъмулан бидуни даргирӣ ва бо миёнҷигарии бузургони қавмӣ ва таслим шудани нерӯҳои амниятӣ ва ё ақибнишинии онҳо аз мавозеъи худ сӯрат гирифтааст.
Дар ҳоле, ки мақомоти давлати Афғонистон вогузории ин шаҳристонҳо ба Толибонро “ақибнишинии тактикӣ” мехонанд, бар асоси тозатарин омори “Languedoc Journal” дар бораи вазъияти амниятии Афғонистон, дар ҳоли ҳозир 176 шаҳристони Афғонистон (44 дарсад хоки ин кишвар) дар кантроли Толибон қарор дорад.