ДУШАНБЕ, 30 июн - Sputnik. Владимир Путин зимни суҳбати мустақим бо мардуми Русия, изҳор дошт, ки дар робита ба вируси корона, бояд ба сухани мутахассис гӯш дод на ба ҳар гуна овозаҳо.
Ба гуфти ӯ, дар ҳама давру замон буданд ва ҳастанд одамоне, ки эмгузарониро эътироф намекунанд. Ӯ қайд кард, вақте, эмгузаронӣ оммавӣ ба роҳ монда мешавад, мардум намехоҳанд ваксин гиранд.
"Вақте беморӣ зиёд шуд, он гоҳ мардум барои эмгирӣ медаванд. Набояд ба гапи мардум, ки дар бораи он тасаввурот надоранд, гӯш кард, балки ба сухани коршинос бояд такя кард. Дар асл одамони калонсол, маълумотдор вале мегӯянд, ҳеҷ чиз нест, эпидемия нест, раҳбарони кишварҳо забон як кардаанд", - гуфт президент.
Владимир Путин афзуд, ҳама дарк мекунанд, ки ҷаҳони мо дар таззод аст. Ва мардум фикр доранд, ки президентҳо маслиҳат кардаанд: "охир ин сафсата аст".
Ба гуфти президенти Русия бемор шудан хатарнок аст, махсусан барои одамони дорои касалиҳои музмин, вале эмгузаронӣ хатар нест, гарчӣ таъсироти манфӣ низ дорад.