ДУШАНБЕ, 28 июн - Sputnik. Бозии даври ҳаштякниҳоии Евро-2020 миёни тимҳои миллии Белгия ва Португалия дар варзишгоҳи "Олимпико де Севиля - Ла Картужа" -и Севиляи Испания баргузор шуда, бо ҳисоби 1:0 ба фоидаи дастаи Белгия ба анҷом расид, хабар дод сомонаи “Варзиш”.
Ба иттилои манбаъ, ягона голи ин вохӯриро дар дақиқаи 42-юми бозӣ бародари Торган Азар ба самар расонида, қаҳрамони феълии Евроро ба хонааш равон кард.
Дар нимаи дуюми вохӯрӣ Португалия кӯшиш кард, ки ҳисобро баробар кунад, аммо шикасти ҳимояи қавии Белгия барои Роналду ва ҳамдастагонаш сахт буд.
Ҳуштаки ниҳоии довар пирӯзии белгиягиёнро сабт кард. Ҳамин тавр Белгия дар чорякфинали Евро-2020 бо яккачини Италия рӯ ба рӯ мешавад.
Белгия, ки дар гуруҳи "В" аз тимҳои Дания, Финландия ва Русия пеш гузашта буд, дар даври плей – оф низ бар Португалия пирӯз гардид.
Роналду дар охири бозӣ бо дарвозабони Белгия суҳбат кард, ки ба навор афтод. Бозигари Португалия изҳор дошт, ки бахти тими Белгия баландӣ кард, чун тӯб ҳеч намехост вориди дарвоза шавад ва барои тим муваффақият таманно намудаст.