ДУШАНБЕ, 23 июн - Sputnik. Сергей Шойгу аз кишварҳои ҳамсоя бо Афғонистон ва созмонҳои байналмилалӣ даъват кард, ки ба вазъи ин кишвар диққати ҷиддӣ диҳанд, менависад РИА Новости.
Вазири дифои Русия, дар Конфронси Маскав оид ба амнияти байналмилалӣ гуфт, ки барои ислоҳи вазъ дар Афғонистон чораҳои фаврӣ заруранд.
"Бояд иқрор шуд, ки дар тӯли 20 соле, ки нерӯҳои эътилофи Ғарб дар ин кишвар ҳузур доштанд, натавонистанд ба натиҷаҳои назаррас расанд" - гуфт ӯ.
Шойгу таъкид кард, ки барои ислоҳи вазъ дар Афғонистон чораҳои фаврӣ ва ҳамкории зичи байнулмилалӣ зарур мебошад.
Сергей Шойгу аз кишварҳои ҳамсояи Афғонистон ва созмонҳои байналмилалӣ даъват кард, ки ба вазъи Афғонистон диққати ҷиддӣ диҳанд ва қайд кард, ки хурӯҷи нерӯҳои НАТО аз Афғонистон метавонад боиси сар задани ҷанги нави шаҳрвандӣ дар ин кишвар шавад.
Ба гуфтаи ӯ, дар чаҳорчӯби СПАД низ қадамҳои зарурӣ оид ба баланд бардоштани қобилияти мудофиавии кишварҳои узви созмон қабул карда мешаванд.
Шойгу даъват кард, ки имкониятҳоли Созмони Ҳамкории Шанхай, ки дар он ҳамаи кишварҳои ҳаммарз бо Афғонистон, аз ҷумла Покистон ва Эрон аъзо мебошанд истифода карда шавад.
“Бидуни ҳамкорӣ бо Исломобод ва Теҳрон печидагиҳои Афғонистонро ҳал кардан ғайриимкон аст", - хулоса кард Сергей Шойгу.