ДУШАНБЕ, 19 июн - Sputnik. Номзади президентии Эрон Муҳсин Ризоӣ роҳбари дастгоҳи адлия Иброҳим Раисиро бо пирӯзӣ дар интихоботи президентӣ табрик гуфт. Дар ин бора агентии ISNA хабар медиҳад.
Сиёсатмадор аллакай табрикоти давлатмардонро қабул мекунад. Яке аз аввалинҳое, ки ба Раисиро табрик кардааст, номзад ба президентии Эрон Муҳсин Ризоӣ буд. Вай ба сиёсатмадор барқияи табрикотӣ фиристод.
"Ман раҳбари олӣ, мардуми Эрон ва интихоби мардум, бародари ман Иброҳим Раисиро табрик мегӯям", - навиштааст Ризоӣ дар паёме, ки ба раҳбари раиси додгоҳи олӣ фиристодааст.
Интихоботи президентӣ дар Эрон як рӯз пеш баргузор шуда буд.
Дар аввал дар сабқати президентӣ ҳафт сиёсатмадор ширкат карданд, аммо се нафари онҳо номзадии худро бозпас гирифтанд.
Ҳамин тариқ, мубориза барои мансаби раҳбари кишвар байни сиёсатмадори муҳофизакор ва раиси додгоҳи олии Эрон Иброҳим Раисӣ, Моҳсен Ризай, Котиби Шӯрои мувофиқати қарорҳои қабулшуда, муовини раиси парлумон Ҳусейн Ғазизода Ҳошимӣ ва ислоҳотхоҳу собиқ роҳбари Бонки марказӣ Абулносир Ҳимматӣ.
Президенти кунунӣ Ҳасани Рӯҳонӣ дар интихобот ширкат накард, зеро мӯҳлати дуввуми худро дар ин мақом ба анҷом мерасонад.
Ба гуфтаи коршиносон, Раисӣ, ки аз ҷониби раҳбари олии Эрон Алии Хоманаӣ дастгирӣ мешавад, дар интихоботи президентӣ пирӯз хоҳад шуд.