ДУШАНБЕ, 18 июн - Sputnik. Қирғизистон қасд дорад барои сафари шаҳрвандони 9 кишвар раводидро бекор кунад.
Намояндагони маҷлиси Қирғизистон пешнависи қонуни " Ислоҳияҳои қонуни бекор кардани раводид барои шаҳрвандони бархе кишварҳо то 60 рӯз " - ро баррасӣ карданд, гузориш медиҳад Парс тудей дар истинод ба расонаҳои кишвар.
Тибқи ин гузориш ин лоиҳа шомили кишварҳову иёлатҳои Албания, Булғористон, Ветнам, Исроил, Кипр, Мақдунияи шимолӣ, Руминия, Таиланд ва Мексика мешавад.
Лоиҳа дар қироати сеюм барои раъйгирӣ ирсол шудааст.
Ёдрас мешавем, чунин иқдомро соли 2012 низ собиқ раисҷумҳури Қирғизистон, Алмосбек Отамбоев дастгирӣ карда буд, ки мувофиқи он ба шаҳрвандони 44 кишвар иҷоза дода шуда буд, то 60 рӯз дар қаламрави Қирғизистон бидуни раводид монанд.
Он вақт мақомоти кишвар гуфта буданд, "ин имконият барои кишварҳои мутараққӣ фароҳам оварда мешавад".
Дар Қирғизистон, Тоҷикистон ба рӯйхати 16 кишваре шомил мешуд, ки ҳанӯз то соли 2012 барои ворид шудани шаҳрвандонаш ягон мамонияте набуд.