ДУШАНБЕ, 17 июн — Sputnik. Дабири кулли Созмони Милали Муттаҳид Антонио Гутерриш дар паёме ба Рӯзи байналмилалии интиқоли пули оилавӣ аз бӯҳрони эҳтимолии оилаҳои муҳоҷирон изҳори нигаронӣ кард.
Вай қайд кард, бисёре аз таҳлилгарон чунин мешуморанд, ки бӯҳрон ҳангоми пандемия метавонад ба интиқоли маблағҳо ва оилаҳое, ки ба онҳо такя мекунанд, таъсири манфӣ расонад.
Гутерриш аз он шод буд, ки интиқоли маблағҳо хеле устувор ва боэътимод аст.
Аммо, тибқи омори Бонки Ҷаҳонӣ, интиқоли пул ба кишварҳои даромади кам ва миёна дошта дар соли гузашта 1,6% коҳиш ёфта, ба 540 миллиард доллар расид.
Дабири кулли СММ қайд кард, сабабҳои зиёд вуҷуд доранд, ки чаро интиқолҳо бештар коҳиш наёфтанд.
Яке ин аст, ки муҳоҷирон эҳтиёҷоти оилаҳои худро тавассути кам кардани истеъмоли шахсӣ ва истифодаи пасандозҳои худ афзалият медиҳанд.
"Дар оянда, мо бояд саъйи худро барои дастгирӣ ва ҳимояи муҳоҷирон идома диҳем, ки тавре дар давраи пандемияи COVID-19 маълум гашт - дар пешниҳоди хадамоти асосӣ ва фаъолияти иқтисод дар маҷмӯъ дар бисёр кишварҳо нақши муҳим мебозанд”, - иқтибос меорад Хадамоти матбуоти СММ суханони Гутерришро.
Дабири кулли СММ ба талошҳо барои коҳиш додани хароҷоти интиқоли пулӣ бо мақсади мусоидат ба ҳамгироии молиявии муҳоҷирон ва оилаҳои онҳо даъват кард.