ДУШАНБЕ, 17 июн — Sputnik. Ситораи футбол Криштиану Роналду дар майдони футбол дар Будапешт ба вазъияти аҷибе дучор омад - ӯро муҳофиз нашинохт.
Навори ин лаҳза дар шабакаҳои иҷтимоӣ зуд паҳн шуд, онро шабакаи телевизионии ESPN низ нашр кардааст.
Хабар дода мешавад, ки ин ҳодиса бо Роналду қабл аз бозии байни тимҳои миллии Маҷористон ва Португалия дар Ҷоми Аврупо - 2020 рух додааст.
Ҳамлагари Португалия ба сӯи утоқи либоскашӣ равон буд, ки яке аз посбонон ӯро ҷеғ зада, хост, ки иҷозатномаашро бубинад.
Аз навор дида мешавад, ки чӣ гуна муҳофиз маълумот дар бораи аккредитатсияи футболбозро тафтиш карда, боварӣ ҳосил мекунад ва ба ӯ иҷоза медиҳад.
Корбарони шабакаҳои иҷтимоӣ ин ҳодисаро ба ниқоби футболбоз рабт додаанд, ки ними рӯяшро пӯшонидааст.